عليها اســــم الله محلاها أهي أحلا من الحلوين
إلى قـــــلب الهنا قلبين هواهم عطر(ن) وأنغام
لقاها نصه الثاني تشوفه فـــــــارس الأحــــلام
صباح / مساء الخــيرر والورد واليــآسمينF:
من غير مقدمات تقرير خطوبتي المتواضع:o
قبل ما أبتدي ما أحلل أي وحده تنقل الصور بأي شكل من الاشكال
واللي بتنقل او تحتفظ بالصور في رقبتها ليوم القيامه :rolleyes:
--
أمانه بنات دعواتكم الله يهنينا ويحفظنا من كل شر ومن كل عين ويسعدنا
اذكرو الله وصلو ع النبي :adore::o
--
خطوبتي كانت بـمرمريز 1
تـآريخ 13 – نوفمبر – 2010
--
قمت الصبح ع الساعه 9 وتريقت شي خفيف وتسبحت
وع الساعه عشر أمي وأختي راحو للقاعه عشان يشوفون ترتيبات القاعه والمسرح.. الحمدالله تيسرت الأمور وكل شي صار مرتب وحلو
صورة للمسرح
المسرح من دريم هوم
--
كان موعدي مع وحيده الساعه 12 فطلعت قبل الموعد بساعه وشي الوالد وصلني الصالون بس قبلها رحت 24 ساعه وشريت لي شوي خرابيط وبلعه
وصلت الصالون ع الساعه 11 ونص تقريبا او قبل ما اذكر
خبرت الرسبشن ان ابي أسوي أظافري فرنج منيكير
وسالتهم اذا في قبلي عروس قالولي لا انتي رقم واحد وعقبج وحده يعني بس 2
اهني ارتحت زيادهـ يعني ماكو زحمه اشووه :lol:
شوي الا وصلت وحيده ورحت لها وسلمت عليها وايد ارحت وياها خصوصا اهي تعاملت مع بنات عماتي كلهم في عروسهم وخطوبتهم
ذوق واخلاق و انسانه محترمه
وتميت اسولف معاها واهي اتسويلي شعري والفلبينيه اتسوي لي اظافري من صوب
ماشاء الله تمت تقريبا قريب الساعتين واهي تشتغل بشعري
سوتلي شي صج صج راقي وروعه
وحطتلي ع يمين شعري وردهـ ويسار شعري من تحت بعد وردهـ
وسوت لي حركه حلوة بطررررحه وركبت لي فصوص عليها
مع ان الطرحه كلش مافيها شي ساده
يعني صج صج صج اشتغلت من قلبها
كانت التسريحه كلها مرفوعه
:adore:
---
ع الساعه 3 وشي مرتني خالتي الصالون وخذتني ورحنا حق معصومة ماك
دايركت أول ما وصلنا نجاة بدت في خالتي وانا تاخرت وايد موعدي كان 5 وبدت فيني 6 وشي
الان العروس اللي قبلي تاخرت واللي عقبها بعد تأخرت صار شوي عفسه بالمواعيد :worn_out:
بس الحمدالله طلعتني واو واو واو شغلها حد أمه عجييييييييب
دمجها للألوان فظيع ماشاء الله عليها .. الصلاة ع النبي
قريب الثمان خلصنا وطلعنا وسيييده ع طول رحت البيت
وصلت .. بدلت .. تعطرت .. تبخرت .. وكانت معاي أختي ساعدتني في كل شي ..
ما قصرت ..:thumbs_up:
عقبها مرني خطيبي وأختي يات معانا عشان اتساعديني بالفستان الانه له ذيل
موعدنا الاستوديو ع 8 بس احنا وصلنا 9
المهم صورنا وخلصنا عشر الا ربع
وعشر وجم دقيقه وصلنا القاعه
وع الساعه عشر ونص دشينا القاعه ع زفه
راشد الماجد – عروستنا قمر ضاوي :o
وصلنا الكوشه
عقبها لبسني الشبكه ع اغنيه كاظم الساهر يا صايغين الذهب
(شبكتي كانت ذهب وقماش من سوق المنامه )
وبعدها حطينا أغنيه
أسيل عمران – الله يهنيني
تامر حسني – الله يبارك لي فيك
المهم استانسنا وايد والحفله كانت وايد حلوة وعائليه جدا
:cool:
--
جزء من التوزيعات الأن الفلبينيه ما صورت كل شي ..
--
مسكتي من لاريسا بوكوراهـ وابين بصورة جزء من فستاني ( موديله قصة السمكه )
--
الكيك والعصير من مرمريز
--
ستاند الشبكه
كانت الفكرة ان الشبكة في صندوق ذهب انا شريت كل شي وديته محل سوالي اياهـ بشغل يده
يلدا للزهور - بوكوارة
--
ما اقدر اكثر بالصورالأن كلها شخصيه :worn_out:
--
وبس خلصنا .. وعقبال تقرير عرسي
ومن قلبي ادعي لكم يا بنات ان الله يرزقكم بولد الحلال والزوج الصالح عاجلا غير أجلا:o
--
واذا استاهل التقيم قيموني
;)
عسى الفرحه ترافقهم في هالليله وكل ليله
ويسكنها في قلبه دوم وأهي في عينها أتشيله
عســـى ربي يديم الود ويهنيهم مدى الأزمان
واتصبح طيبه العشرهـ لهم بيت ودفا وعنوان
